فالكم معا البوقالات

:-(_-('ç: [size=1




بسم الله بديت ..... و على النبي صليت ... وعلى ااصحاب الأسماءلي تبدا الألف بديت



* حليت باب الجنان لقيت لملاح رقود تنهدت الدالية و تحرك العنقود قال القمر فالسماء نكشف على السحاب يذوب خلي الحبيب لحبيبو و لي في قلبو حاجة الله يبلغ المقصود.



.......... وعلى اصحاب الأسماء لي تبدا بالباء بديت


* نزلت لقاع البحر خرجت لي جنية قالت لي وشبيك يا لالة مهمومة تكلمي و افتحي قلبك ليا ، قلت لها يامولاتي هذاك لحبيب اداواه عليا قلبي معاه و قلبو معاها هيا.


.و على اصحاب الأسماء لي تبدا بالتاء بديت



* يالي جيا من العين و بيدك مليتي السلة سبحان من اعطاك الزين و زاد في بهاك ذيك الحلة.




............و على اصحاب الأسماء لي تبدا بالجيم بديت


* النور يالنور و النور عينييا طبطبو على الباب و جابولي لي عزيز عليا راني تنمى من ربي يجي يطلب يدي من ماليا.


...........و على اصحاب الأسماء لي تبدا بالحاء بديت

* الشمعة يالشمعة، يالشمعة الضواية لوكان نعرف وشبيك نمسح هذيك الدمعة من خدك و نرد وجهك مرايا يا ربي يا المعبود اقبل دعايا ، يرجع لي زهو الزمان و يعيا الحبيب قاعد معايا.


...........و على اصحاب الأسماء لي تبدا بالخاء بديت

* اطلعت للسطح و فرشت زربية حرقست حرقوس الذهب و حرقست عينييا افرحي يا يما سعدي ولى ليا ، نستشفى فالعدو كيما ستشفى فيا.


...........وعلى اصحاب الأسماء لي تبدا بالدال بديت

* فاطمة يا فطوم وين ماتكوني نرسلك مرسول اذا سكنتي البحر نرسلك عوامة و اذا سكنتي السماؤ نرسلك حمامة و اذا سكنتي القبر يحاسبك مولانا.


..........وعلى اصحاب الأسماء لي تبدا بالراء بديت

* علاش يالالة التخمام رحمة الله واسعة و كبيرة لوكان جات بالكلام نتحدثو و نعطوك تدبيرة بصح كل شي بالمكتوب و يعيا الخير يبان و تزول عليك لهموم و تروح الحيرة.


...........و على اصحاب الأسماء لي تبدا بالزاء بديت

* خرت نهار الجمعة ، في يدى شمعة ، قالولي أمسحى ذيك الدمعة ، و انساي الخلعة ، قريب يتلموا احبابك و صحابك و يفرحوا معاك الجماعة .


.........و على اصحاب الأسماء لي تبدا بالسين بديت

* الناس تنده بالرجال و الوالي ، وانا ننده بربي العالي.


.........و على اصحاب ا|لأسماء لي تبدا بالشين بديت

* حوم حوم يا حوام ، حوم فوق السطح العالي ، و قول لها يا لالة يا زينة لبنات و خدودها براقة ، و عيونها غرّاقة ، صارت كل القلوب ليها سبّاقة.


..........و على اصحاب الأسماء لي تبدا بالصاد بديت

* قطّعت اللحم بيدى و عملت بذور ، و سمعت الكلام بوذنى و عرفت من قالو ، يا قايلين الكلام القبيح واش تربحوا ، أنا طاوس في القصر و انتم خفاش النهار ما يضوالو.


........و على اصحاب الأسماء لي تبدا بالضاد بديت

* جايز على باب دارنا ، لابس تلمساني ، قتلو يا شيخ بالاك تنساني ، قالى والله ما ننساك ، ونصيبك على ربي جاه و سلطاني.


..........و على اصحاب ا|لأسماء لي تبدا بالطاء بديت

* امّنت بالله ، و المنام رؤية من عند الله ، حمامة بيضة جات ترفرف عليّ ، معاها حصان توقّف بين يديّ .


...........و على اصحاب الأسماء لي تبدا بالظاء بديت

* نبعث لكم دموعى في مشوار زرق ، و نبعث كلامي في برية تحرق ، ما ننساكم يا ناسى بحق مكة و بلاطها لزرق.


..........و على اصحاب الأسماء لي تبدا العين بديت

* سمعت قر الحمام في قاع السّجنة ، لا من سقاه الما ولا من طاه شعير ، يا قمر ..الحمام يعي و يحن ، وتتعمّر النافورة ، ونعودوا لزمانا كيما كنا .


.........و على اصحاب الأسماء لي تبدا بالغين بديت

* خرجت بدر البدور تتزعبل في المور ، تلقت هذوك الشعور ،على الخد إلى ينوّر مثل التفاحة.


..........و على اصحاب الأسماء لي تبدا بالفاء بديت

* دارنا في الجبل ، مقابلة مكة ، مفتاحها من ذهب ، يشعل ما يطفي .


.........و على اصحاب الأسماء لي تبدا بالقاف بديت

* خرجت ليلة الجمعة ، في يدى شمعة ، خرج لي ملاك حنين قالي : يا بنت السحاب حاجتك راه مقضية ، قلت ليه : يا سيدي طالت المدة ، قالى : روحى لدارك تصيبيها قدّامك .


...........وعلى اصحاب الأسماء لي تبدا بالكاف بديت

* جزت على جنية ، قالت لي واش تحوسي يا ولية ، قلت لها مانى نحوّس لا على ما ولا على جاه ، نحوس على من ضيّعت يولي لي .


.........و على اصحاب الأسماء لي تبدا باللام بديت

* لزّيت لباب الرياض ، الورد عالباب النرجس باسني ، الزهر عنقنى ، و الياسمين ما بغَ يكلمني .


.......وعلى اصحاب الأسماء لي تبدا بالميم بديت

* محبس منقوش ، مربي على الفشوش ، ما يحمل الهانا ، أصبر يا خاطري حتى يفرّج مولانا .


...........وعلى اصحاب الأسماء لي تبدا بالنون بديت

* يا شمس واش بيك ذابلة ، إلا لابيك الزين راني نفكر فيك ، و اذا بيك الزهر ربي ما يتخلي عليك


..........و على اصحاب الأسماء لي تبدا بالهاء بديت

* كلام على كلام و الكلام على سقيلة ، العين في العين و الدّعوة مقبولة.


..............و على اصحاب الأسماء لي تبدا بالواو بديت

* علاش قالو العين لكحلة ماتفناش ؟ قلتلهم لي نحبها مزال ماجاتش


ا
انشاء الله تعجبكم و يخرج فالكم



في انتظار الردود

* يا شمس واش بيك ذابلة ، إلا لابيك الزين راني نفكر فيك ، و اذا بيك الزهر ربي ما يتخلي عليك
شابى بالبزاااااااااااف ميرسي حنونة

[b][i]بلا مزيا ختيتي انشاء الله تكون عجبتكم