ديوان الشيخ هزاع بن سلطان بن زايد آل نهيان

((مالك عذر))





مالك عذر لـو تعتـذر مـا عذرنـاك
يكفي رجـا لا ترتجـي مـن يجافيـك
ان كانت الفردوس فـي كـف يمنـاك
القلب صار ابعد مـن كفـوف اياديـك
قلبـي مـع قلـب يحبـه و ذكــراك
ما يوم مـرت لـي و لا مـر طاريـك
لو تهذي بصوتك ترى مـا سمعنـاك
خل الصدى من عقب صوتي يسليـك
رغم الندم لـو تنـدم الدهـر بنسـاك
و على عمى سـود الليالـي بخليـك
إنسـى وداد فـي المحبـه عطينـاك
و اللي مضى و اللي انقضى بس يكفيك
مات الغلا في خافقـي مـن جفينـاك
حتى المشاعر ترفض اليـوم ترثيـك
لا لا تقـول الحـب قاسـي و بكـاك
لك قلب أقسى من حجـر مـن يبكيـك
لك انت أعظـم حلـم ساطـع بدنيـاك
لا تظن بتنجـب لـك بمثلـه لياليـك

((صحيـــــح))





صحيح إن البشر تخطي
و لكن الخطـى غلطـة
و مثلك ياخذ و يعطـي
و يرسم فالهوى خطـة
و حسنه بسيئه تغطـي
خطاك المنكشف غطـه
قبل موج البحر يسطي
عليك و يسلبك شطـه
أنا لك واضح شرطـي
حذر وسط الغزر ورطه
إذا تبغي الغـلا تبطـي
و إذا تبغي الندم حطـه
بحر فالقاف لك خطـي
و كـل يفهمـه خطـه
و لا تقرب وسط شطي
تعالج بالغلـط غلطـه

((أمــــــــانـــــــــــــــه))





لاتعاند عنادك فـي عنـادك عنـادي
عطني قلبك يا قلبي حط قلبـي مكانـه
حس نبضه بيوفك واسمعه لك ينـادي
إحفظه ياحبيبي وسط صـدرك امانـه
الأمانـه أمانـه والأمانـه فــؤادي
به اتهنى يا عمري وارتوي من حنانه
انت يا اللي هويتك حلم واقع مـرادي
صافي الود وافي ما تعـرف الخيانـه
قبل احبك واشوفك كل شي كان عادي
كل شي بعيني كنت مرخـص بشأنـه
بك عرفت المحبه وصار قلبك بـلادي
ومن سكن في خفوقك به يلاقي كيانـه
قلت بخفي المحبه قلت بلجم جـوادي
و أثره الحب جامح من يروّض حصانه
من يظن المحبه جوهـا جـو هـادي
أشهد إنه يماري فـي زمانـه زمانـه

إذا حكـم القـدر إنـي أحبـك
أنا مالي علـى الأقـدار حيلـه
تولـع قلبـي العاشـق بقلبـك
و قلب الحي في الدنيـا دليلـه
غلاك اللي سكنـي عنـد ربـك
مشاعر جارفة كالسيـل سيلـه
عيوني يا عيونـي تبتعـد بـك
همومي منك و إن بانـت قليلـه
حجبت الشر عن شرقك و غربك
خوي القلب يا خلـي و خليلـه
أشوف العمر باقي العمر قربـك
حظوظ الغير يـا خلـي بخيلـه
إذا عارض تعرض دون دربـك
أنا اشهد زلتـه زلـزال حيلـه
يفكر ألف مرة و لا يمـر بـك
و تالي قصتـه قصـة طويلـه
و إذا قلبي و هو قلبي امتحن بك
ترا روحي من أسبابـك جتيلـه
أحبك لا و لا روحي صخت بـك
دلال و حسن و وصوف جميلـه
جمالك بين هالعالـم ظهـر بـك
فتنة العيـن يـا بـرقٍ تخيلـه
و اعرف الحب من دقات قلبـك
وجودي وسط هالعيـن الكحيلـه

((صمــــــت العـــــاصفــــــه ))





من تحبه عنك ما يقـوى البعـاد
لو يهاجر شوف باجر لـك يعـود
مرجعـه ذاتـك وشوقـه زاد زاد
كيف تعلى العين حاجبها وتـرود
يختلف البهـام وغيـره كالعبـاد
حد كريم وحد في الدنيـا جحـود
ياوليف الـروح معـلاق الفـؤاد
من يقول الحب يذبـل كالـورود
هل تلاشى كل شي مثـل الرمـاد
والحدود اليوم تخلى من الحـدود
في سواد كيف تنظر فـي سـواد
الأسـود اليـوم تنهبهـا فهـود
لا تخاف القلب قلـب لـك وكـاد
صايبنه في هوى غيـرك بـرود
لا جماد ولاهـو حـي ولاجمـاد
والمشاعـر ماتماريهـا جـهـود
لـك غلـى يـزداد فـاق لعتيـاد
ضاريٍ في زود تهـدف دوم زود
في بلادي انته لي وحـدك بـلاد
وغربتي ماغربت وعـد وعهـود
التلـف مابيننـا عـدلا وســاد
هذا صمت العاصفه وهذي السدود
دام كل الي مضـى ان راح عـاد
وش بقى في بالي ذكرى العهـود
ماوقف قلب يحبـك فـي انحيـاد
يفرق الي لك يجود ولـك يجـود
والضنون الي هواجيسي اعتقـاد
ردها في عين كل عـاذل حسـود
من لجى لصبر يبلـغ كـل مـراد
غص نفسه تسنو العليـا صعـود
أصبح وامسي وشوقي في امتداد
واترجى الجامح الصبر بصمـود
عرش قلبي عرشك انته في انفراد
ياصفي النفس ياتـرف الخـدود
انت ليل الشوق في عيوني سهاد
والعيون الـي تناظرهـا شهـود
تركض بحبك في وجدانـي جيـاد
في وجودي انت لي كل الوجـود
خذت قلبي قبـل عينـي يالـوداد
وان بغيت الزود لك ينقـاد قـود

((لا تـــــــحـــــاول))





لا تحـاول تحـاول تظهـر المستحـيـل
لو تجـرب تجـرب تلقـى انـه محـال
وانـت تـدري وادرى والمحبـة دلـيـل
من ملـك قلـب غيـره ماتركلـه مجـال
مايفكـر بـثـانـي ولايـبـدل بـديـل
يقهر اللي يلومـه صـار صعـب المنـال
كالقمـر يـوم يطلـع ينجلـي كـل ليـل
وان تمنيت قربه يـاك صمـت وسـؤال
عن غرامك غرامك ليـش شـد الرحيـل
كيف صارت حياتك حياتك شبه وهم وخيال
تتعب القلـب فرقـا طـرف خـلٍ كحيـل
تتعـب العيـن عيـن ماتـود الـوصـال
حلمك اللي رسمتـه مـن زمـانٍ طويـل
غير الوقت حلمك عـن غرامـك ومـال
خان عهدٍ عطيته غصب واصبـح يميـل
رغـم كـل التذلـل والـغـلا والــدلال
لاتحـاول تحـاول تظـهـر المستحـيـل
لو تجـرب تجـرب تلقـى انـه محـال
وانـت تـدري وادرى والمحبـه دلـيـل
من ملـك قلـب غيـره ماتركلـه مجـال

((سرى فكري ))





سرى فكري وخلـق الله نيامـا
سرج قلبي مشاعر وجـد قلبـه
جدى من هو سرج فكري وشاما
وخطواتي سرت في ليل دربـه
كثير الشـوق للمغـرم هيامـا
متاهات وضيـاع وهـم غربـه
طريقه صعب وعر وما يرامـا
ويبشر بالوهم من هـو يمربـه
جموح خيول و رماح وسهامـا
رموش كأنهـا طعنـات حربـه
ضحايا نظرتـه يامـا و يامـا
ويحلم ترى من يحلـم بقربـه
عيونه من نظرهـا مـا يلامـا
إذا منه نسـى قوتـه وشربـه


.....................................

((غـــــــــاليـــــــــــه))





غاليـه واغلـى ومـن الغـلا اغـلا
غاليه وتغلـى وحيـل القلـب يغليهـا
اخلى وخلى ومنها ياعساني مـا اخـلا
ومن قال مغـرور لا محـدٍ يساويهـا
عـذال تعـذل ولكـن حبنـا اعــلا
ماهـي الثريـا بعيـد ابعـد مواطيهـا
ما اسلى ولا اسلى وانسى غيرها واسلا
الشوق شوقنـي و شوقتـه لطاريهـا
حلوت وصايف فتـون عيونهـا نجـلا
نور القمـر ضيهـا والليـل يكسيهـا
تنطق بحبـي حـروفٍ لفظهـا يحـلا
تهمس لسمعـي مشاعرهـا واناجيهـا

((مــــــــــــن الغـــــــــلا))





من الغلا لك زاد بي الشـوق
يختال شوقي وسط الاعمـاق
ما غض جفني حارب المـوق
متوقـد احساسـي و خفـاق
عاتبت قلب صوبـك يسـوق
شوق صدوق وجـد منسـاك
من الزعل و اللـوم مرفـوق
تشرة و انا اللي بالحيل مشتاق
فقت بجمال و منطـق و ذوق
بسمتك تشفي جرح و أعواق
ياظبي داري و انتـه اتفـوق
حلو الظباء تلعـات الاعنـاق
كنـك لقلبـي انـت مخلـوق
وغيرك في عيني انت مالـك
ليتك تخلي الغيـرة و تـروق
اهدا أنا ما نوي على الفـراق


((منزلك))





منزلـك مـا بيـن الخفـايـا والاهــداب
وموضعـك منـي يـا حبيـبـي مكـانـي
الحـب يبقـى لـك ولـو ناظـري غـاب
يا أغلى وأرهف مـن سكـن فـي كيانـي
نحيـا علـى مـر الزّمـن ربـع واحبـاب
والله لا يـحــرم زمـانــك زمـانــي
من كثر ما تهـوى وانـا اهـواك لِعجـاب
اِحتـار فيـك وصـار شـوقـي أغـانـي
كل حرفٍ لك فـي رعشـة الليـل ينسـاب
وحبـر الغـلا يـا كـم يـذرف حنـانـي
للحلـم مـع طيفـك مواعيـد واسـبـاب
حتـى ولـو تهجـع عيـونـي ثـوانـي
وصلـك مهاجـر واللقـا وصلـة أغـراب
وتبقـى الضيـا فـي غربتـي والأمـانـي
إنتـه بخفوقـي صاحبـي وصـل وغيـاب
لا البعـد عنـك .. لا التـلاقـي كفـانـي
لاجلـك فتحـت أبـواب وانسـدّت أبـواب
معنـى المـودّه لـك عـيـون المعـانـي
وتعلـم أنــك صاحـبـي زد لَصْـحـاب
واحـد ولا فـي القلـب والـروح ثـانـي
سافـرت بـك والمـوج عاتـي وعـبـاب
لا مـات حبـي .. لا ولا يــوم فـانـي
تبقـى لحروفـي دايـم حضـن وكـتـاب
يـا بحـر موجـه .. هاجسـي والموانـي
يا كيف أخفي الجرح والجـرح مـا طـاب
يا طـبّ جرحـي منـك جرحـي وأعانـي
إسأل ضميرك .. خاطرك .. واحسب إحساب
إذا صاحبـك مجنـي تـرى الحكـم جانـي


((خـــــــزنــــــي))





خزني بو عيـن ميذوبـه
غرنجي الطـرف جذابـي
لو بقول اعجوبة اعجوبـة
فتنـةٍ ويثيـر اللعجـابـي
كم غيري كـم هـاذو بـه
بس أحبابي هـم أحبابـي
الدلع منهج مـن اسلوبـه
الهوا صفحه مـن اكتابـي
الحسن حسنة ومن صوبة
لـه يـذوق ودوم طلابـي
إن تكلـم ينطـق اعذوبـة
وان عتب يا حلو لعتابـي
فيه نفسي فيـه مشغوبـه
ماغاب عن عيني ولا غابي
صورته فالعين تسمو بـه
المدامـع وسـط لهدابـي
في حشايا الروح مسلوبـة
شدني شوقي واسرى بـي
للذي لـه عيـن ميذوبـه
غرنجي الطـرف جذابـي


((حبـــــــــــر الـــــــغرام ))





لو كتبت المحبه جف حبـر الغـرام
واعلن التعبير ياسه وانحنى للقصيد
الخيال استعده بيـن عـد وهيـام
وانتقيها المعاني واترك الي زهيـد
ماغشى ليل وجدي في نهاري ظلام
أستنير الجوارح و المشاعر تزيـد
كم حرف غزيته لجل حلـو اللثـام
أكتبه لجل عينه واجبره لـو عنيـد
با هي الحسن خده مثل برق الغمام
كاسي الليل متنـه احـوري فريـد
منفرد في و صوفه مثل بدر التمـام
تعشق العين شوفه من قريب وبعيد
لي نظرت العيونه شفت لحظ الحسام
ولي نظرني بعينه شاف حبه يقيـد
ماغضى وسط قلبه غير حبي ونـام
ولا ملك عرش قلبي غير حبه أكيد


((مستحيـــــــــــــــــل))





بعدت غابت عن عيونـي
طال صبري و طال فرقاها
من السهر تتعب جفونـي
دوم فكري فـي طرواهـا
القلب من الشوق ممحوني
ممتحن من لحظه جفاهـا
اهتويها في باطن شجوني
و اعالجه جرحي بذكراها
مهما عن حبها يعذلونـي
مستحيل القلـب ينساهـا
و الخلايق ما يعيضونـي
دام انـي حيـل اهواهـا
يا متى وعد القى يكونـي
منيتي في العمـر القاهـا
و يعل تمطر دارها مزوني
دارهـا و دار مربـاهـا


((مـــــــــبـــــــــــــزره ))





بشري يادار بقـدوم السـرور
بوظبي تسعد وتهنىء مبـزره
سبع نبته جو فرشولك زهـور
سبع جنـات بشـذاك معطـره
لوصولك ينولـد للنـور نـور
الضيا انتـوا ومنكـم مصـدره
الزمن يعجز على مر العصـور
مثلكم ينجـب إذا لـه مقـدره
اشهد انه من يماريك مخطـور
حكمتك ترجح وعزمه يخسـره
يا بويه لك في كل قلب الحضور
شعبك اعيالك وحبـك نجهـره
والله العالم بما تخفي الصـدور
كم قلب وفكـر طيبـك يأسـره
دوّن التاريخ لك اعظم سطـور
في سجل المجد حتـى تشهـره


((خــــــــافي الوجــــدان ))





خافي الوجدان يخفق باسـم خلـي
روحي الولها من فراقـه حزينـه
حب صادق حب قلبي مب تسلـي
ظامي لحبـه و يروينـي حنينـه
كم تمنيتـه و ليتـه لـو حصلـي
من تلاقت في الهوى عيني و عينه
الجـوارح كلهـا بشوفـه تهلـي
تبري جروحي و أعواقي الدفينـه
غالي من دون أي صـد و تغلـي
و الغلا يزداد من طيبـه و زينـه
هو حياة الروح هو شمسي و ظلي
هو مناة اروح هو مطلـب ظنينـه
صورته ما بين ترحالـي و حلـي
و هاج بحر الشوق يسأل عنه وينه


((تــــــزعل و اراضيــــــك ))





تزعل وانا اللي منك زعلان
تقسى و تجرح قلبي مغليك
غالي معي لو كان اللي كان
متعود تزعـل واراضيـك
ان كنت ناوي الصد يافلان
الروح في بعـدك تناديـك
وان ييتني من الحب ظميان
بسقيك من حبي و برويـك
يالسولعي يا تاج الاعيـان
ربي جمال الحور معطيـك
حسن و جمال و قد فتـان
في هيبتك منهـو يجاريـك
سبحان من صورك سبحان
كل الحسن مملوك في إيديك
لو هو انخلق شرواك انسان
لا ما احتوى طيبة معانيـك
اعاتبـك والقلـب ولهـان
رغم العتب مقـدر اجافيـك
خلك معي والحب سلطـان
محد في هالدنيـا يماريـك

((قلبــــــنا واحــــــــد ))





إذا ماقلت لك مشتاق نطق الاحسـاس واتكلـم
وحل الشوق في قلبي حبيبـي مـن توادعنـا
تنور دنيتي بقربك وفـي غيبتـك هـي تظلـم
وعيّا الوقت والاقدار اشـوف انهـا تباعدنـا
حبيبي لوبعيد اليـوم بحبـك ماعرفـت انـدم
وعيني ماتشوفك بس يكفـي الحـب يجمعنـا
ترى احلى حب حبك انـت يكبـر كـل يجـدم
أأكد لك ماعاد الحب محـال اي شـي يفرقنـا
احس فيك وتحس فيني وإذا ضقت انت انا اتألم
كأن قلبنا واحـد وهـو ينبـض مـن محبتنـا
ولو منك انـا زعـلان ارضـى يـوم تتبسـم
تشل الضيق مـن قلبـي ولا مـره تزاعلنـا
سكنت الروح ياروحي واثر الشـوق مايرحـم
عذابي لا بدا الفراق بعـد وصلـك يسامرنـا
خيالـك مايفارقنـي بعينـي كــل ماتحـلـم
تصحي عيني طيوفـك وجنـح الليـل ثالثنـا


((لاســــلام))





لا سلام .. ولا وداع .. ولا عليـك
لا اتصال .. ولا هموم .. ولا سؤال
بخت قلبك حـظ جفنـك يهتويـك
يا اريش العينين برمـوش ظـلال
يا الغلا وينك ووين الشـوق فيـك
في حشى يوفي من الشوق اشتعال
روح روحي يـا مناتـي تفتديـك
ودي بقربك ولا تجفـي .. تعـال
يا عسى كل شر يا خلي ايخطيـك
ومن سعى بالشر من شـره ينـال
اعتدي كل مـن حبيبـي يعتديـك
وله شهرت السيف واعلنت النزال
وان سطع نجم العواذل مـا عليـك
إكل نجم له بـزوغ .. ولـه زوال
وش بقى في ذا الزمن ماله شريك
وفي سؤالي يا هوى بالي سـؤال؟


((غضــــت عيـــــونك))





غضت عيونك ولا غضت
عين من حبك وهاذا بـك
انت يلي روحـك اتهنـت
يا متى روحي تهنـا بـك
الجـوارح كلهـا حـنـت
ظاميه تبكي علـى بابـك
تخفي الأسرار مـا دلـت
هايمه نفسي وتشقـا بـك
ما عرفت وكيف لك اثبت
حبي اللي ما قوى عتابـك
شافتك عيني وثم سمّـت
لو شحيح الحظ ما يا بـك
ان تمنـت عينـي تمنـت
ما تمنت غير تحظـا بـك
لو تسلت عنك ما اتسلـت
وان غفت بالنوم تصحا بك
القوافـي بإسمـك تغنـت
ما يموت الشعر يحيا بـك
منك مـا ملـت ولا كلـت
دام تسكن صفحة كتابـك
لو سنيـن ايامنـا مـرت
لو يشيب الصبر بغيابـك
لو دمـوع أيامنـا هلـت
لا تبكـي عينـك أهدابـك
نار شوقي في الحشا شبت
ما انطفت والروح تدفا بك
ما تلبـي لغيـرك ولبـت
يا منادي قلبـي اسرابـك
لو سيوف العاذل انسلـت
ينهزم والشر مـا صابـك
لك سيوفي دونهـا مـدت
موت عذالي واحيـا بـك
كم عين وعين لـك ذلـت
والاسد سيد علـى غابـك
شوف ياسات الامل ضوت
حاسدي من وصلي يهابك