يا دنيا أنتِ الل حرمتيني من اهلي
سكنت الغرب من غصباً علي
وأدق يا باب وأسأل من عليكم؟؟
ضعف صبري وزمان خان بيه
ش أوصف لكم غربتي صدري مخنوق
صوتي مبحوح دفنتوني بغرب وتعانق الروح
غريب وكل غريب يتذكر أهله
الأم الحبيبة .. الوالد الحبيب
أخواني .. أصحابي .. جيراني
فيّ البيوت.. وك من غيركم دنياي تابوت
عذاب فراقكم كأنه المنية
هلي مكاني الل أحبه موجود
حديقتنا بعدها محملة ورود
بعدها صورتي تتوسط البيت
و الأغاني اللي أحبها من الطفولة
الناظم الغزالي والقبنجي حنيت
المقهى القدم وجاي ابو الهيل
أبوذياتنا .. مقاماتنا .. وعتاباتنا سحر المواويل
بحضن دجلة الزوارق هايمة تطوف
ونيران الشواطي وسمك مسقوف
الله ينتقم منج يا لأيام
هلي الطيبين ضاعوا مني الأيام
بأيش أعوضهم يا ربي؟؟وأنا قلب الطفل قلبي
من يجي براسي هواهم يحرق ثيابي الل عليه
أقرأ آياتي ودعائي تحنن الغربة عليه
كل صوركم بجت يمي أفرجها ربي ..أستر بيه
حقي لو أضعف شأسوي
الأرض مو أرضي الناس مو ناسي
الجو مو جوي يصير أذل نفسي وأشكي لعدوي امري
موضوع: يادنيا انتي الى حرمتيني من اهلى 
