ايمان1466 عضو جديد
جنس العضو : التَـــسْجِيلْ : 30/08/2010 المُسَــاهَمَـــاتْ : 80 العُــمـــْـــــر : 30 المَــــــدِيــنَة : الجزائر العَمَــــــــــلْ : ادرس الهِوَايَـــــاتْ : تربية الحيوانات النـِقَـــــــــاطْ : 5125 التَقْيِــيــــــمْ : 0 بلد العضو :
| موضوع: ردوا بالكم يالبنات ......؟؟؟؟ مهم وخطير في نفس الوقت الأربعاء 15 ديسمبر 2010 - 20:28 | |
| السلام عليكم حبيباتي واش راكم ان شاء الله بخير
اليوم جيت نحضركم من وحد الحاجة
بصح كاينة حاجة نقولها ضرك باه ماتكلونيش اومبعد على بالي بلي مش كامل الشباب هكا .كاين المليح والدوني وانا ضرك رايحة نهدر على الدوني وعلى الذئاب البشرية اووووكي .ركزوا مليح في كلامي
كاينة فالنت وربي يسترنا
هذي وحدة حبيبتي تحكيلي وتقول
هي مشتركة في وحد المنتدى حتى وصلتها رسالة خاصة مزينة بكل انواع الشكر والافتخارمن واحد يطلب منها تسجل عندهم في المنتدى
مسكينة وعلى نيتها دخلت سجلت وعجبها المنتدى بزاااااف
تقول بدات تدخل ليه بزااااف ,ومرة على مرة يراسلها ذاك الشاب زعما يسأل عليها
هي على نيتها وكانت تحكي معاه على اساس اخ فقط
لكن هو غيرررررررررر؟
مرة بطات مادخلتش ,كي دخلت لقاة السي بعث يسقسي عليها
ومسكين غيابها خلالو فراااغ كبير
صحبتي فهمت بلي راه يلمح لحاجة سكتت عليه وماجاوبتوش
بعدها بيمات زاد بعث برية
يقوللها فيها مسكين بلي راح يحبها وراه يتعذب بزاااف من غيابها
تصدقوا هو مايعرفها وهي ماتعرفوا ,وماعندهاش بزاااف ملي عرفاتو
ايا جاوبتوا بلي يلزم واعطاتو دوش صحيح ,غسلاتو بالكلام
والمسكينة صرالها كي اللي خرج من الحبس طاح في بابو
راحت لمدير المنتدى تشكي
استقبلها *طبعا بالرسائل* بحفاوة وقاللها خلاص خاطيك ضرك نعرف واش ندير
مورها دخلت وحدة تشكي من هذاك المراقب وتقول بلي طمعها وقاللها بلي يحبها ويموت عليها وهي صدقت
وبدات تتراسل معاه من المسن والسكايب
وسرقلها المسن ولا يدخل للسكايب ويقصر مع صحبتها
كي سمع السي المدير حاوزوا يمات ومن بعد رجعوا
المهم صحبتي بعدت على ذاك المراقب واحتمت زعما بالمدير
كان مرة على مرة يسقسي عليها المدير ويشكرها كل مرة يمدح ويعاود ويتفقدها
ايا المسكينة مرة جات خارجة خلاص من هذاك المنتدى
لقات المدير يراسلها ويقوللها انه يشعر بإحساس غريب اتجاهها معرفش وشن هو الكذاب
وزيد من الوقاحة نتاعو سقساها اذا كانت تتوحشوا كيما يتوحشها
شوي هكا حتى قاللها يحبها المسكينة جاتها صدمة يعني هربت من الاخر طاحت في ذاك
شبعاتو كلايم واش ولى ,ولا يلعب هو دور الضحية وهي اللي لعبت عليه ويدعي عليها خص غير يبكي
والله المسكينة كانت في وحد الموقف لاتحسد عليه
كانت بنيتها تحكي معاه على اساس الاخوة لكن هما حبوا يستغلوها لقاوها يابسة مكاش منين تتعض
وهذاك المراقب الخداع كان يحاول يخترق الحاسوب نتاعه شحال من مرة لما تفتح المنتدى تطلعلها تحذير شخص راح يخترق جهازها
بصح سترها ربي ماقدرش يدخل
وكاين مسكينات اللي دخل للحاسوب ديالهم وسرقلهم تصاورهم ولا يهدد فيهم
صحبتي هذي نعرفها كانت على نيتها والله خطيها احواج اخرين
لكن هذا درس باش ماتزيد تهدر مع حتى ولد في النت
وهذاك المنتدى ولى كي محل الدعارة والعياذ بالله غير من هذاك المراقب الخداع
وانتم اعتبروا من القصة وردوا بالكم
واللي راهي تقصر مع ليجان ترد بالها ملييح لتعود طيح فالفخ
ردوا بالكم ماشي واحد مايعرفكم ماتعرفوه يبعث لكم رابط يقول ادخلوا تدخلوا
ممكن يكون حاب يدخل للحاسوب ديالك بذاك الرابط
ردوا بالك حنوناتي وربي يسترنا ويحمينا من هذوا الذئاب البشرية
وكاش واحدة صراتلها قصة كيما هاك تحكيلنا cry
| |
|
مرمر عضو فعال
جنس العضو : التَـــسْجِيلْ : 29/12/2010 المُسَــاهَمَـــاتْ : 105 العُــمـــْـــــر : 32 المَــــــدِيــنَة : الجزائر العَمَــــــــــلْ : طالبة الهِوَايَـــــاتْ : الرسم النـِقَـــــــــاطْ : 5020 التَقْيِــيــــــمْ : 1 بلد العضو :
| موضوع: رد: ردوا بالكم يالبنات ......؟؟؟؟ مهم وخطير في نفس الوقت الخميس 30 ديسمبر 2010 - 1:09 | |
| شكرا لك على النصيحة ربي يخليك اوربي يسترنا | |
|
الهام المُدِيــــ العَامَ ــــرَ
جنس العضو : التَـــسْجِيلْ : 09/02/2007 المُسَــاهَمَـــاتْ : 3731 العُــمـــْـــــر : 36 المَــــــدِيــنَة : قلب احـــ من ـــب الهِوَايَـــــاتْ : CuiSiNe & NeT النـِقَـــــــــاطْ : 9761 التَقْيِــيــــــمْ : 100 بلد العضو :
| موضوع: رد: ردوا بالكم يالبنات ......؟؟؟؟ مهم وخطير في نفس الوقت الثلاثاء 11 يناير 2011 - 21:16 | |
| شكرا لكي اختي الحب عن طريق المنتديات كذبة غبية من تصدقها الحب اكبر من هذا الحب حياة | |
|